Profesor Young, i cili vizitoi qytetin turk Antalia për të marrë pjesë në Kongresin X Ndërkombëtar të Psikofarmakologjisë tha se janë bërë një sërë gjetjesh nga punimet disavjeçare, që janë zhvilluar në lidhje me depresionin. Vetëm Europa për kurimin e depresionit harxhon 113 miliard$ në një vit.
Në një vit Europa për kurimin e depresionit harxhon 113 miliard$.
Sipas Young, gjasat që një njeri gjatë jetës së tij të vuajë nga ndonjë çrregullim mendor janë 25 për qind. “Njëzet e pesë për qind është shkallë shumë serioze dhe mund të themi se këto çrregullime janë mjaft të përhapura”, – thotë Young. Duke u bazuar në të dhënat e punimeve aktuale, Young thekson se depresioni është dy herë më i lartë te femrat në krahasim me meshkujt. “Në këtë ndikojnë faktorë të ndryshëm. Në parim, mendohet se kjo buron nga shkaqe psikosociale. Nëse e mendojmë në nivel botëror, jeta e grave është më e vështirë. Po ashtu, gratë mund të shprehen më qartë. Pra, janë më të sinqerta, në lidhje me simptomat. Po ashtu, këtu gjenden edhe faktorët biologjikë. Barnat kontraceptive orale që përmbajnë hormonin estrogjen dhe progesteron që merren nga femrat, natyrisht kanë dobi për kontrollin e lindjes. Por është vërejtur se ato mund të shkaktojnë depresion”, tregon Young.
Duke folur për koston që shkakton depresioni, ai thotë. Ky çrregullim bart me vete një barrë e cila vihet mbi shoqërinë. “Një punim i kryer në vitin 2013 tregon se kostoja e depresionit klinik është 113 miliardë dollarë në vit në Europë. Mund të themi se edhe tani kostoja vjetore është të paktën në këtë nivel”, është vë në dukje nga Young. Ai thekson se barnat përbëjnë nën 10 për qind të kostos, krahas trajtimit te mjeku apo në spital. Sipas profesorit Young, personat që vuajnë nga depresioni nuk duhet ta fëjësojnë veten. Por duhet të kërkojnë ndihmë sa më parë. Ai thotë se ka grupe me rrezik të lartë në këtë aspekt, prandaj duhen kryer aktivitete për detektimin paraprak të personave që vuajnë nga depresioni. Sipas këtij profesori Europa harxhon 113 miliard dollarë vetëm për kurimin e depresionit.
Për Lajm-Shqip
Vladimir Mucaj
