Kënga “Mall” është një kompozim i vetë artistit, ndërsa edhe vargjet e tekstit i ka shkruar gjithashtu vet. Eugent Bushpepa, përfaqësuesi i Shqipërisë në Eurovision është surprizuar nga një fanse pas konferencës së tij për shtyp, në Lisbonë.
Eugent Bushpepa surprizohet nga fansja, i bën dhuratë edhe pse e paralizuar …
Nikki Allen ishte e ulur në një karrige me rrota dhe pasi ka pëlqyer muzikën e tij kërkoi t’i bënte një dhuratë. Madje kishte mësuar të thoshte në shqip: “Ke një këngë shumë të bukur.”
Nikki Allen:” Kam një dhuratë për ty. Është një engjëll për fat.” – i tha ajo , ndërsa Eugent Bushpepa u emocionua nga gjesti: “Faleminderit shumë për këtë dhuratë. Shpresoj të më sjellë fat”.
Këngëtari e shpërndau në rrjetin e tij social në Facebook këtë histori ku edhe nuk ka munguar komenti i fanses. Bushpepa do të performojë këngën “Mall” me datë 8 maj në Lisbonë.
Për lajm-shqip:
Jorida Fataj
06.05.2018
