Kryeprokurorja e Përgjithshme e Përkohshme Arta Marku ka bërë komentet e para për punën e saj në një intervistë për gazetarin Sokol Balla.
Arta Marku tha se gjatë karrierës së saj si prokurore është përballur shpesh me vështirësi, por tha se nuk është kërcënuar asnjëherë.
“Kam bërë me korrektesë punën time. Nuk jam ngatërruar në asnjë gjë dhe mund ta them se nuk kam pasur asnjëherë gjëra të tilla” – tha Marku.
Ajo bëri edhe një konstatim se “sistemin e drejtësisë e ka parë të degradojë vit pas viti”.
“Pas vitit 2009, por edhe më vonë pati një shkrehje të punës. Përflitej se do të kishte një reformë në drejtësi dhe kjo demotivoi prokurorët” – tha ajo.
