Nuk do të skualifikohet e do të vazhdojë garën në Festivalin e Sanremo 2018 kënga e kantautorit shqiptar Ermal Meta.
Meta është në një duet me këngëtarin e njohur italian Fabrizio Moro.
Ermal Meta vazhdon garën në Sanremo
Ata përfaqësohen me këngën “Nuk më keni bërë asgjë”.
Deklarata është bërë nga nëndrejtori i Radio Televizionit publik italian Claudio Fasulo.
Në konferencën e sotme për shtyp ai tha se pas verifikimeve të bëra ka rezultuar se nuk kemi të bëjmë me një plagjiaturë.
Autori i dy këngëve është i njëjti e sipas rregullores ka të drejtë të përdorë deri në 30 % të këngëve të tjera.
Kënga “Nuk më keni bërë asgjë” i ka të gjitha të dhënat për të qenë një këngë e re.
Pra nuk është një plagjiaturë, raporton oranews.
Mbyllet kështu polemika e nisur mbrëmë menjëherë pas mbarimit të natës së parë të Sanremo 2018.
Kënga e kantautorit shqiptar u akuzua si një plagjiaturë e një kënge të prezantuar në kategorinë e të rinjve në Sanremon e 2016.
Kënga “Nuk më keni bërë asgjë” konsiderohet të jetë një nga këngët pretendente për të fituar çmimin e parë.
Kritika e media i kanë dhënë një vlerësim të lartë e gjatë natës së parë juria popullor e ka renditur mes këngëve më të vlerësuara.
www.lajm-shqip.com
