Shirat e ditëve të fundit kanë paralizuar komunikacionin në zonë e Paprit , 12 kilometra larg qytetit.
Janë afro tre mijë banorë të Njësisë Administrative të Paprit, që dy ditë më parë kanë zënë derën e Bashkisë për shqetësimin e tyre.
Përroi i Paprit merr gjallërinë e munguar.
Përpafqësues nga fshatrat Pajun e Papër-Sollak, do të takonin nënkryetarin e kësaj Bashkie, Klevis Xhoxhi, duke i kërkuar ndihmë.
Rruga rurale që lidh këtë zonë me atë automobilistike është bërë e pakalueshme.
Në shumë segmente rrugore, uji i vrullshëm i përroit do të merrte me vete të gjitha pritat dhe banorët u izoluan.
E menjëhershme ka qenë dhe ndërhyrja e Bashkisë me forca dhe mjete.
Ndërtimi i pritave ka filluar në fshatin më të largët , në Papër Sollak,
Veç rrugës, një pjesë e së cilës kalon anash përroit, ky i fundit ka gllabëruar edhe rreth një hektar tokë bujqësore.
Ndërsa për këtë të fundit, banorët nuk gjejnë më rrugëzgjidhje, ata kanë kërkuar ngritjen e pritave ndanë përroit.
Po ashtu kanë kërkuar riparimin e menjëhershëm të akseve të bllokuara nga përroi.
Bashkia ka gjetur mundësitë financiare dhe puna ka filluar.
Ndërkohë u kërkohet edhe banorëve kontributi për punë komunitare, që të riparohen sa më shpejt pjesët e prishura të rrugës.
Kohë më parë, kjo Bashki përuroi urën më të madhe mes dy brigjeve të përroit, që lidh dy fshatrat.
Tashmë puna konsiston në riparimin e të gjitha përmbytjeve, që kanë ndodhur në ditët me reshje.
Ndoshta duhen disa ditë, që dy fshatrat të dalin nga izolimi në komunikacion.
Për lajm-shqip
Alfrida Danushi
