Një tjetër rast dhune shënohet në Elbasan nga gjinia mashkullore ndaj bashkëshortes, për xhelozi.
Sipas burimeve zyrtare, bëhet e ditur se ka ushtruar dhunë fizike dhe psikologjike ndaj ish-bashkëshortes, arrestohet në flagrancë nga policia.
Elbasan: Shënohet rast dhune ndaj bashkëshortes për xhelozi
Burimi policor pohon se specialistët e Seksionit për Hetimin e Krimit, në Komisariatin e Policisë Elbasan, bënë arrestimin në flagrancë të Albert Çehut, 51 vjeç banues në Elbasan.
Arrestimi i tij u bë, pasi në banesë, në Lagjen “Dyli Haxhire”, për motive të dobëta dyshohet të ketë ushtruar dhunë fizike dhe psikologjike ndaj ish-bashkëshortes së tij, shtetases L.H., 50 vjeçe. Ky është rasti 11 në harkun kohor të këtij muaji.
Ushtrimi i dhunës për motive xhelozie, ka rritur ndjeshëm shkallën e përdorimit të forcës ndaj bashkëshorteve nga ana e bashkëshortëve.
Rasti në fjalë është kallzuar në polici nga fqinjët e 51 vjecarit.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje”.
Dhunuesi rrezikon dënim me burg, nëse nuk provohen rrethana lehtësuese.
Për lajm-shqip
Alfrida Danushi
