Elbasan, paradite verë, pasdite dimër me stuhi…
E papritur mbrëmja e djeshme në qytetin e Elbasanit e më gjërë.
Ndërsa kanë nisur ca pika shiu, shpejt ka ardhur stuhia. Reshje të mëdha shiu dhe erëra të forta kanë përshkuar gjithë qytetin dhe rrethinat.
Sasia e reshjeve mund të matet më gjithë kohën e rënies së një muaji.
Parditja e djeshme , ka zhveshur njerëzit. Temperaturat kanë qenë të larta. Pas dite, re të dendura, por dimri e kishte lënë “orën” për në mbrëmje e darkë.
Stuhia gati sa nuk ka thyer pemë e shtylla elektriku. Sipas të dhënave, i gjithë teritori i Qarkut është përfshirë nga shtërngata të shumta.
Vërshimet e ujit në rrugë, kanë krijuar vështirësi në qarkullimin e automjeteve. Akset e rrezikshme mbeten kthesat në afërsi të Librazhdit.
Si pasojë e erës dhe shiut, zakonisht bien gurë dhe inerte në rrugë.
Po kështu rruga nga Librazhdi deri në Qafëthanë ka patur grumbullime dherash dhe gurësh.
Në zonat e thella malore, mbrëmë kanë rifilluar reshjet e dëborës. Gjatë kësaj jave pritet rënia e temperaturave.
Më kot u gënjyem nga pranvera e parakohshme. Dimëri nuk del pa dimër.
Alfrida Danushi
12.02.2019
