Elbasan, në pranga një oficer policie , katër shtetas të tjerë nën hetim.I pari arrestim i bujshëm në radhët e policisë së Elbasanit. Sot ka rënë në pranga një officer policie i Postës policore të Belshit, komisariati i Cërrikut. Ndërkohë, katër shtetas të tjerë mbeten nën një hetim itensiv.
Elbasan bie në pranga një oficer policie ,nën hetim katër shtetas të tjerë…
Hetimi është kryer nga Shërbimi për Çështjet e Brendëshme dhe Ankesat në Drejtorinë Vendore të Policisë së Qarkut. Sipas informacioneve nga ky Shërbim, mësohet se është arrestuar oficeri i policisë , Idajet Sina. Ky i fundit ishte Ndihmës Specialist për Policimin në Komunitet. Akuza ndaj tij mbetet për “Shpërdorim detyre” dhe “Korrupsion pasiv të personave, që ushtrojnë funksione publike”. Ndërkohë saktësohet se Sina kishte bërë favorizime ndaj banorëve të ndryshëm në zonën e Bleshit për ndërtime pa leje. Mbi bazën e fakteve, Gjykata e Shkallës së Parë në Elbasan, ka vendosur ndaj oficerit në fjalë, masën e dënimit “Arrest me burg”. Ndërkohë hetimet janë shtrirë edhe tek banorë të zonës. Si të pandehur konsiderohen edhe shtetasit S.K, D.K., Th.Ç. dhe Z.K. Të katër këta të fundit janë nën hetim dhe akuzohen për ndërtime jashtë ligjit në vendbanimet e tyre në fshatra të ndryshëm të Bashkisë , Belësh.
Alfrida Danushi
26.06.2018
