Sot, Monedha e përbashkët Euro, ka vijuar te shvleftësohet në tregun vendas. Po Sh’vleftësohet me ritme të shpejta Euro, ajo, po i afrohet në vlerë, Dollarit Amerikan. Ky, është një tjetër impakt negativ në Ekonomi.
Sh’vleftësohet me ritme të shpejta Euro, po i afrohet vlerës së Dollarit Amerikan
Të dhënat janë, sipas kursit zyrtar, të këmbimit valutor, të Bankës së Shqiperisë. Gjithsesi, Euro është këmbyer sot me 131.98 lekë, duke arritur, në nivelet më të ulëta të 10 viteve të fundit.
Monedha e përbashkët ka hyrë në një cikël rënie, prej fillimit të këtij vitit. Sipas ekspertëve në këtë periudhë të gjitha njësitë tregtare mbyllin bilancet vjetore.
Ndërsa në këto momente, Euro duhej të forcohej përkundrejt monedhës vendase, por po ndodh e kundërta. Ekspertët, argumentojnë se arsyet kryesore të këtij nënvleftësimi, janë oferta e lartë në valutë.
Si dhe, qarkullimi i pakët, i lekut në ekonomi, por dhe limiti i fundit për pagesën e TVSH-së. Gjithashtu një arsye tjetër është strategjia e Bankës së Shqipërisë për të ulur nivelin e euroizimit në ekonomi.
Kjo, po ndikon në sjelljen e bankave dhe aktorëve të tjerë të tregut, që po shmangin euron. Për sa i përket dollarit amerikan, dhe pse është vlerësuar me një ditë më parë, ai, vazhdon të këmbehet në nivele shumë të ulëta. Një dollar kembehet sot me 106.56 lekë sipas kursit zyrtar të Bankës së Shqipërisë.
Aktorët e tregut presin që euro të vijojë të jetë e dobët, deri në afrimin e verës. Atëherë, kur rritet oferta në valutë si rrjedhojë e remitancave të emigrantëve.
Një euro e dobët është pozitive për importuesit dhe ata që i kanë kreditë në euro dhe të ardhura në lekë. Por kjo, dëmton eksportuesit dhe ata që paguhen në euro.
Valuta e dobët është e favorshme për blerjet online dhe ata që udhëtojnë jashtë vendi
Për lajm-shqip:
Leonard Xhelili
Të ngjashme mund të lexoni:
