Eko-Katastrofa: Masakrohen 109 km2 pyje…‘zhvishet’ Shqipëria në kanatjere! Rëndësia e tokave pyjore nuk mund të nënvlerësohet, duke qenë se janë pjesë e rëndësishme e habitatit tonë. Sipas të dhënave të publikuara nga Banka Botërore dhe të përpunuara nga portali Our World in Data, sipërfaqja pyjore në Shqipëri përllogaritet 7,715 km2.
Eko-Katastrofa: Sharrohen 109 km2 pyje…‘zhvishet’ Shqipëria në kanatjere
Megjithatë, në krahasim me dhjetë vite më parë, në Shqipëri ka rreth 109 km2 më pak pyje, pasi interesat meskine të një grupi të papërgjëshëm njerzish, i kanë prerë ato, për përfitime ekonomike. Krahasuar me vendet e rajonit, Shqipëria është vendi më pak i pyllëzuar. “Monitor” ka përllogaritur se sa përqind të sipërfaqes në total zënë pyjet në vend. Sipas llogaritjeve bazuar mbi të dhënat e publikuara nga Banka Botërore për sipërfaqen pyjore dhe sipërfaqeve totale të shteteve të Ballkanit Perëndimor, Shqipëria renditet e fundit me vetëm 27% të sipërfaqes pyje. Renditja pasohet nga Serbia, e cila dhe pse në vlerë absolute ka një sipërfaqe pyjore disa fish më të madhe se Shqipëria, në raport me totalin e sipërfaqes së saj, vetëm 30% zihet nga pyjet.
Më pas renditet Maqedonia me 39% dhe Bosnja me 43% të totali të sipërfaqeve pyje. Ndërkohë sipas të dhënave Mali i Zi është vendi më i pyllëzuar i rajonit, ku 60% e sipërfaqes së tij zihet nga pyjet. Ndërsa shtetet e zhvilluara janë në përpjekje të vazhdueshme për të ruajtur pyjet. Sipas të dhënave të publikuara Rusia, Brazili, Shtetet e Bashkuara dhe Kanadaja janë shtete që kanë sipërfaqet më të mëdha pyjore, ku tejkalojnë 2.5 milionë kilometër në katror.
Sipas të dhënave të BB për sipërfaqen pyjore, Shqipëria renditet e fundit me vetëm 27% të sipërfaqes pyje
Organizata e Ushqimit dhe Bujqësisë (FAO) ka mbledhur dhe ka analizuar të dhënat mbi pyjet që prej vitit 1964. Kjo bëhet në harkun kohor të 5 deri në 10 vite. FAO raporton të dhëna për 229 shtete dhe territore. Të dhënat përfshijë zonat me dru bambuje, palmat, rrugët pyjore, pyjet në parqe kombëtare, rezervat natyrore, dhe zonat e tjera të mbrojtura. Si ato me interes të veçantë shkencor, historik dhe kulturor ose me interes shpirtëror, shpellat, brezat dhe korridoret e pemëve.
Të dhënat përjashtojnë pemët e përdorura në sistemet bujqësore të prodhimit, siç janë plantacionet e pemëve frutore dhe sistemet e agropylltarisë. Të dhënat e mësipërme gjithashtu përjashtojnë pemët e parqeve në qytete dhe kopshte. Llogaritet përqindja e tokës pyjore ndaj totalit të territorit dhe ndryshimi në përqindje vit pas viti për të kuptuar tendencat.
Për lajm-shqip:
Leonard Xhelili
25.06.2018
