Edi Rama, ka qenë sërish përballë familjarëve të Ziver Veizit, Faik Myrtos, Hekuran Dedës dhe Aleks Nikës, të cilët pas 7 vjetësh kërkojnë që dikush të mbajë përgjegjësi për vrasjet e njeriut të tyre.
Të ngjashme mund të lexoni:
Kryeministri ka shprehur sekëlldinë që nuk ka pasur mundësinë që të bëjë drejtësinë, por ka thënë se tashmë pas shkurtit kur nis vetting drejtësia është e lirë për të hetuar vrasjen pa ndikim politik.
“ 21 janari është kthyer në një dëshmitar kombëtar i pa fuqisë çerekshekullore të këtij njeriu përballë drejtësisë së tredhur nga krimi. Një pasqyrë kombëtare të betejës së shpallur tre vitet e fundit të sistemit të drejtësisë, ku në çdo hap ndeshemi nga celula anti reformë.
Sot prindërit janë 7 vjet më të moshuar. Plaga e padrejtësisë në këto familje është 7 fish më sunduese.
Edi Rama shpërthen para familjarëve të ’21 janarit’
Nuk dua ta fsheh, se ndjej sëkëlldi se ka ikur dhe një vit tjetër dhe drejtësia sërish nuk është bërë. Kjo peshon ndjeshëm në çdo vit në prag të një takimi tradicional. Pesha e kësaj sëkëlldie ja lë vendin një kthjelltësie pas takimit me familjarët.
Tragjedia juaj u kthye në një farsë ku familjarët tuaj u vranë sërish në gjykatë”, tha Kryeministri, i cili sulmoi atë pjesë të politikës që një vit më parë penguan vetingun dhe deshën të marrin peng edhe zgjedhjet.
“Qetësia e kthjellët është se një botë e tërë ka nisur të shkatërrohet, sistemi i drejtësisë u kthye në një tragjedi për të gjithë Shqiptarët.
21 janari i ardhshëm e rëndon më shumë këtë tragjedi prandaj jemi të çojmë deri në fund vendosjen e drejtësisë.
Nuk po shohim asgjë, nga mungesa e frymëmarrjes, 21 janari e bën lënduese.
Duhet të ishte bërë me kohë drejtësia, por kush nuk e ka bërë kërcënon ta marri peng Shqipërinë duke na penguar për anëtarësimin në Bashkimin Evropian, ata tremben si djalli nga temjani.
Kërkoj me padurim vendosjen e personave përgjegjës para drejtësisë”, deklaroi Kryeministri, i cili më pas iu kthye edhe një pjesë të kritikëve brenda mazhorancës që akuzojnë atë për ngadalësi në hetimin e 21 janarit.
“Drejtësi e drejtë nuk është vullnet i partisë në pushtet, por një detyrë për të vendosur drejtësinë, ne duam të vendosim drejtësinë, ne jemi garantorët.
Çdo njeri që nuk do t’ia di për vonesat dhe mallkon, që në fakt është një luftë, nëse nuk na beson sot, do të na kuptoj nesër se kemi pasur të dejtë prandaj duhet të presin deri sa të vendoset drejtësia. Projekti i drejtësisë është një projekt për të ardhmen e Shqipërisë.
Para 4 vjetësh varet si e shikoni. Patriotëve të kanabisit i kalonin vitet pa u ndëshkuar për shkak të korruptimit të sistemit të drejtësisë.
Thonë se as vetë Zeusi nuk i ndal dot këta shpëtimtar të Shqipërisë, por e gjithë kjo parodi është fatkeqësisht realiteti.
Në një debat aq sa të pashmangshëm që njerëzit nuk duan t’ia dine, por duan drejtësi, sot jam më optimist se asnjëherë për vendosjen e drejtësisë, shpata e kohës që do ta shkëpus nyjen e drejtësisë nga padrejtësia është ngritur nga populli.
Ne do të kontribuojmë që politika të mos e shkëpus shpatën që do të ndaj drejtësinë nga padrejtësia”, shtoi kryeministri, i cili hapur akuzoi shtete të huaja se kanë futur spiunë që të ndikojnë në destabilizimin e vendit, duke përdorur atë pjesë që nuk do të hapet Kutia e Pandorës e reformës në drejtësi.
Ylli Pata
21.01.2018
