E vërteta ndryshe: “Qeveria Rama është vetëofruar për pranimin e refugjatëve…Kështu u shpreh kryetari i Forumit Rinor të Partisë Demokratike, Belind Këlliçi në Berlin, gjatë takimeve që pati me drejtues të lartë të CDU-së.

E vërteta ndryshe: Qeveria Rama është ‘vetë-ofruar’ për pranimin e refugjatëve…

Vizita e Kryetarit të FRPD-së në Berlin u krye pas asaj të Ministrit të Brendshëm Fatmir Xhafaj. Nga ana tjetër Këlliçi theksoi se Shqipëria nuk ofron siguri, për një operacion të përmasave të tilla. Gjithsesi, debati në lidhje me mundësinë e ngritjes së kampeve të refugjatëve në Shqipëri, vazhdon të mbetet i hapur. Ndërsa drejtues të forumit rinor të PD-së, gjatë një vizitë në Gjermani kanë deklaruar, se qeveria shqiptare është vetëofruar për pritjen e tyre.

Ky fakt iu bë i njohur Kryetarit të FRD-së, Belind Këlliçi në Berlin, gjatë takimeve me drejtues të lartë të CDU-së. Vizita e Kryetarit të FRPD-së në Berlin, u krye pas asaj të Ministrit të Brendshëm Fatmir Xhafaj. Megjithatë, Këlliçi tha se: “Kufinjtë shqiptarë janë të pasigurt, çka faktohet dhe nga trafiku i lartë i drogës. Duke filluar që nga marijuana tek drogat e forta. Kjo nuk do ta zgjidhte çështjen e emigrantëve, por do të ishte një portë për kalimin e paligjshëm të tyre drejt vendeve të BE.

Për Këlliçin, ‘vetëofrimi’ i qeverisë shqiptare për të pranuar 600 mijë refugjatë, është një fakt i pamohueshëm. Sipas Këlliçit kjo ishte një çështje që u diskutua dhe në Akademinë Politike të Junge Union (Forumi Rinor CDU/CSU)… Ku si temë kryesor ishte emigracioni. Ndërsa më herët, Edi Rama tha se nuk ka patur asnjë kërkesë nga vendet e BE-së për kampin e refugjatëve. Por Rama nuk është shprehur, nëse vetë qeveria shqiptare është vetëofruar për t’u bërë pritëse e refugjatëve, që aplikojnë për azil në BE. Ndërsa kjo kërkesë që është pritur me habi dhe mosbesim në Berlin

Për lajm-shqip:

Leonard Xhelili

25.06.2018