E thotë shkenca, sytë nuk gënjejnë asnjëherë, ato janë pasqyra e shpirtit.
Të gjithë kemi dëgjuar shprehje për sa i përket shprehisë së syve. Ata janë pasqyra e shpirtit dhe kjo është mëse e vërtetë. Së fundmi shkenca ka pranuar se sytë shprehin rreth 55% të mendimeve, ndjenjave, apo përjetimeve të njerëzve.
Nëse tregohemi të vëmendshëm, ne mund ta kputojmë një njeri, pa folur. Madje kjo vlen edhe në ato raste kur dikush përpiqet të na gënjejë.
Ekspertët thonë se sytë pasqyrojnë arsyen dhe dashurinë.
Këtë gjë mund ta bëjnë pa folur ndonjë fjalë. Renata Savic, një psikologe dhe psikoterapeute, shpjegon :
“Sytë mund të shprehin edhe ndryshimet më të vogla në trupin ose gjendjen emocionale të dikujt. Ne nuk mund ta kuptojmë dot se çfarë po kalon në mendjen e dikujt, por mund të arrijmë të kuptojmë gjendjen emocionale të personit që kemi përballë. Mjafton ta shohim atë person ngultas në sy. Nëse sytë e tij shkëlqejnë, atëherë ai është i lumtur, krenar, triumfues. Nëse ka sy të përlotur, apo “pa shprehi”, me siguri po kalon kohë të vështira me dhimbje dhe vuajtje”.
Një detaj shumë i rëndësishëm që na vjen prej Renata Savic, është edhe ndryshimi i syve midis femrave dhe meshkujve. Meshkuj kanë sy më të mëdhenj, kurse femrat kanë sy më të vegjël, por me sklerë më të madhe. Ky ndryshim ka shumë rëndësi, për sa i përket flirtimit. Nëse një femre i duhet të flirtojë, ajo duhet t’i hapë mirë sytë për të vendosur kontakt të plotë me sytë e mëdhenj të një mashkulli.
