Ngjyra e kuqe është ngjyra e pasionit, sinjal i alarmit dhe i reklamave, na tërheq gjithmonë vëmendjen. Gjithashtu është e lidhur me ngjyrën e gjakut, të dashurisë, të intimitetit dhe gëzimit.
Negativisht është e lidhur me notat e këqija, problemet ekonomike, luftën, dhunën dhe me çdo gjë të ndaluar.
Është prezente në sinjalet e trafikut, është ngjyra e urgjencave, por edhe e tërheqjes seksuale.
Të brendshmet e kuqe gjithmonë janë joshëse sepse rrisin vetëvlerësimin.
Sipas psikologes Anne Berthold të Universitetit të Zyrihut, në Zvicër personat që vishen me tone të të kuqes e shohin veten më të bukur dhe më tërheqës se ata që vishen me ngjyrë blu.
Për këtë u realizua një eksperiment dhe iu kërkua një grupi vullnetarësh që të vishnin një këmishë ose blu ose të kuqe dhe hynë në dhoma me pasqyra.
Më pas iu kërkua që të vlerësonin veten. Rezultati ishte përfundimtar: ata që kishin veshur ngjyrën e kuqe ndiheshin më seksi.
Sipas autorëve, arsyeja e këtij efekti është se ngjyra e kuqe tërheq vëmendjen dhe tregon disponueshmëri erotike.
Ngjyra e kuqe ju bën të dukeni më tepër
Të veshësh të kuqen tregon se jeni seksualisht më receptivë, sesa të veshësh ndonjë ngjyrë tjetër.
Kjo mund të jetë negative për personat e ndrojtur, të cilët e gjejnë jo komode vënien në qendër të vëmendjes, shkruan bota.al.
Studime të tjera tregojnë se tërheqja e së kuqes ka një bazë objektive të bazuar në biologji.
Sipas një studimi të publikuar në “Journal of Experimental Psychology “, i kryer në vitin 2010, tregoi se gratë e veshura me të kuqe ishin më joshëse.
Për këtë, një grupi djemsh 20-vjeçarë iu treguan foto të vajzave me pamje pothuaj të njëjtë.
Rrobat e vajzave ishin të ngjyrosura herë me të kuqe dhe herë me ngjyra të tjera.
Në të gjitha rastet kur fotot e vajzave ishin ngjyrosur me të kuqe, konsideroheshin nga djemtë më tërheqëse dhe më të dëshirueshme seksualisht sesa fotot e atyre që ishin ngjyrosur me tone të tjera. Shpjegimi vjen nga origjina e fizionomisë së paraardhëseve tanë.
Shembull janë femrat e babuinëve dhe të shimpazeve që skuqen si shenjë seksuale kur afrohet ovulimi i tyre.
Në këtë mënyrë tërheqin mashkullin dhe rrisin disponueshmërinë për t’u çiftëzuar.
Diçka e ngjashme ndodh edhe me ne qëniet njerëzore.
Seksualiteti është më shumë se primitiv nga sa e besojmë dhe ngjyra e kuqe e ka ruajtur këtë aftësi për të na tërhequr.
18.01.2018
