E habitshme: Po Luli ku e dinte për milionat që do të kapeshin në Durrës? Këtë të dielë një sasi rekord prej thuajse 5 milionë eurosh është kapur në portin e Durrësit. Sasia e eurove u kap në dy makina të reja pa targa të llojit “Toyota Yaris”.
E habitshme: Po Basha ku e dinte për milionat që do të kapeshin në Durrës ?
Por ajo që krijoi menjëherë habi, ishte fakti se tre ditë më parë, kryedemokrati do të deklaronte se Taulant Balla (deputet i PS) kishte shkuar në Gjermani për të blerë Toyota Yaris. Por dhe për ta mbushur makinën me miliona euro droge. Pyetja që u shtrua menjëherë në media, ishte fakti nëse kishim të bënim me një koincidencë apo nëse Luli kishte informacion për aksionin policor i cili ka nisur falë dhe bashkëpunimit me Interpolin e Italisë.
Megjithatë, rezulton se prokurori që ka marrë përsipër çështjen në fjalë, është Sokol Nishani. Nishani është gjithashtu dhe vëllai i ish Presidentit Bujar Nishani. Të jetë ky i fundit vallë, “burimi” i informacionit për Lulzim Bashën?! Një gjë e tillë mbetet për t’u zbuluar…Por e sigurt është se Basha nuk është tërhequr nga deklarata e tij.
I pyetur mbi deklaratën që dha në parlament të enjten, Basha është shprehur shkurtimisht: “Deklarata në parlament i thoshte të gjitha”. Mister ka mbetur akoma personi apo personat që kanë porositur makinat Yaris. Paratë kanë qenë të disa prerjeve, 10, 50 dhe qindëshe. Ndërsa një tjetër detaj interesant është dhe fakti se policia apo prokuroria, ende nuk kanë dhënë një deklaratë zyrtare për rastin në fjalë.
Gjithsesi, policia ka shoqëruar disa persona, përfshi këtu dhe pronarin e kompanisë së transportit i cili kishte në kamionin e tij makinat. Automjetet në fjalë janë porositur online nga Belgjika dhe kanë ardhur prej andej në Itali, e më tutje drejt Shqipërisë.
Për lajm-shqip:
Leonard Xhelili
25.06.2018
