Dy shoferë të dehur përfundojnë në prangat e policisë. Asnjë lëshim për drejtuesit e mjeteve nën efektin e alkoolit. Ky, duket se është “betimi” i policisë së Elbasanit në zbatim të ligjit. Drejtoria Vendore e Policisë Elbasan i referohet informacioneve nga Seksioni i hetimit të ngjarjeve në Qarkullim.
Dy shoferë të dehur përfundojnë në prangat e policisë….
Sipas burimeve nga ky i fundit, u arrestuan në flagrancë dy shtetas. Këta për veprën penale, “Drejtimi i automjeteve në mënyrë të parregullt”.
Sipas burimit në fjalë, është arrestuar, I.C, vjeç 59, banues në fshatin Valas, Elbasan. Shkaku pasi në lagjen nr.3 Cërrik, ky shtetas u kap nga shërbimet e policisë rrugore. Ai ishte duke drejtuar mjetin në gjendje të dehur.
Arrestimi i dytë për, A.N, vjeç 39 banues në lagjen “Vullnetari”, Elbasan. Në rrugën “Mehmet Karadaku” Elbasan, ky shtetas u kap nga shërbimet e policisë rrugore duke drejtuar mjetin në gjendje të dehur.
Për Lajm-shqip
Alfrida Danushi
