Dy kompozitorë të rinj klasik janë promovuar dhe interpretojnë në orkestrën e Filharmonisë së Kosovës. Ata do të interpretojnë nën drejtimin e dirigjentit të njohur maestro Bujar Llapaj gjatë Koncertit të Nëntorit, në Sallën e Kuqe të Prishtinës.
Drejtori i Filarmonisë Baki Jashari dhe dirigjenti Bujar Llapaj thanë për Lajm-Shqip se gjatë interpretimit dinjitoz të gjithë muzikantët e Filharmonisë dhanë maksimumin.
Dy vepra të reja të kompozitorëve të talentuar, Drinor Zymberi dhe Kreshnik Aliçkaj, ishin risia e këtij koncerti të përvitshëm.
Vlerësime maksimale dhe duartrokitje të gjata të publikut morën interpretimet e dy instrumentistëve të klasit të lartë. Përkatësisht, Shkëlzen Baftiari dhe Festim Fanaj. Për maestro Bujar Llapaj kompozitorët, instrumentistët dhe në tërësinë e saj krejt orkestra e Filharmonisë së Prishtinës të ofrojnë freski, art e krijimtari.
Dirigjenti Bujar Llapaj, me orgjinë nga Gjirokastra, aktualisht drejton Orkestrën Simfonike të Vankuverit në Kanada.
Për lajm-Shqip
Engjëll Serjani
