Edhe pse moti dominohet sot nga kthjellime në të gjithë territorin, flota e peshkimit ende nuk ka dalë në det.
Pas një dallgëzimi detar deri në 6 ballë mbrëmjen e shkuar, sot pritet që ky dallgëzim të zbres deri në dy ballë.
Kushte të pafavorshme moti, flota bën pushim.
Koha e keqe e cila përfshiu gjirin e Durrësit përgjatë ditës së djeshme, ka bërë që të pezullohet puna në disa sektorë në portin e Durrësit.
Ndërsa përgjatë ditës së sotme i vetmi sektor i cili ende nuk ka filluar aktivitetin e tijë është sektori i peshkimit.
Burime nga dispeceria bëjnë me dije se mosdalja e moto-peshkarexhave në det ka të bëjë me përmirësimin e plotë të kushteve meteorologjike.
Pritet që peshkatërët të dalin në det përgjatë ditës së nesërme.
Ndërkohë në sektorë të tjerë puna vazhdon normalisht pas një ndërprerje për më shumë se 24 orë.
Për lajm-shqip
Silvi Feimi
