Drejtori i Përgjithshëm Ekzekutiv i Autoritetit Portual Durrës (APD), Artjan Qirici, organizon nesër takimin e radhës me përfaqësuesit e Këshillit Konsultativ dhe të Istitucioneve të tjera të rëndësishme në Qytetin e Durrësit.
Drejtori ekzekutiv i APD organizon një takim konsultativ në Durrës
Në Takimin që do të zhvillohet në mjediset e Drejtorisë Ekzekutive, do të trajtohen tematikat e mëposhtme:
-Informacion në lidhje me rezultatet Ekonomike-Financiare të APD-së për vitin 2017;
-Sintezë e Plan Biznesit për vitin 2018-një përshkrim të përgjithshëm të drejtimeve kryesore, të objektivave, si dhe parashikimeve te investimeve, shpenzimeve dhe treguesve kryesor Ekonomik – Financiar;
-Informacion në lidhje me propozimet për ndryshimet në librin e tarifave për vitin 2018;
-Diskutim, propozime, si dhe masa konkrete për koordinimin e veprimtarisë të të gjithë aktorëve, për zbatim në kohë dhe sa më efikas të planit të masave për thjeshtëzimin dhe lehtësimin e proçedurave dhe operacioneve të lëvizjes të mjeteve dhe pasagjerëve;
-Diskutime për problematika dhe shqetësime të ndryshme në ndihmë të një bashkëpunimi sa më produktiv dhe efiçent të të gjithë aktorëve që ushtrojnë veprimtarinë në port dhe më gjerë.
Silvi Feimi
22.01.2018
