Drogë dhe municione në Durrës, poseduesi kapet nga policia!
Një person është arrestuar nga policia e Durrësit pasi është kapur me një sasi droge dhe qindra fishekë.
Burime policore bëjnë me dije se në pranga është vënë Gjon Brahe 57 vjeç , banues në Bizë, Ishëm Durrës.
Arrestimi i tij erdhi në bazë të informacioneve të siguruara dhe gjatë kontrollit të djeshëm të ushtruar në fshatin Bizë 567 vjeçarit iu gjetën dhe sekuestruan në cilësinë e provave materiale: një sasi prej 3.134 kg lëndë narkotike e dyshuar e llojit kanabis sativa dhe 156 copë fishekë të kalibrit 7.62 mm.
Nga veprimet hetimore ka rezultuar se sendet e sekuestruara i përkasin të arrestuarit.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Prodhimi dhe shitja e narkotikëve” dhe” Prodhimi dhe mbajtja pa leje e armëve luftarake dhe e municionit”.
09.12.2017
