Droga e sekuestruar në Kapshticë/ Ka reaguar zyra e avokatisë në Kozan, që ka marrë përsiper mbrojtjen e shoferit Ilir Rustemi.
Zyra e avokatisë me avokate Athanasia Vakonaki dhe me përfaqësuese Pavlina Xhovana Terpo kanë hedhur poshtë akuzat ndaj klientit Rustemi.
Sipas kësaj zyre mohoet fakti se shoferi të ketë pasur dijeni për heroinën e sekuestruar nga policia greke.
Rustemi gjatë marrjes në pyetje i ka deklaruar policisë greke se autobusin e ka marrë vetëm gjysëm ore para nisjes.
Autobusi është nisur nga Tirana në drejtim të Kapshticës.
Burimet thonë se 54 vjeçari, punonte si shofer i kompanisë Metro prej 5 vitesh.
Droga në Kapshticë, reagon zyra e avokatisë në Kozan
Shoferi i arrestuar si transportues i drogës, 6 muaj më parë ishte larguar nga puna.
Në datën 19 janar, sipas avokates, ishte rikthyer dhe kishte pranuar të transportonte pasagjerë në Greqi.
Rustemi, njihte si punëdhënës ish-shefin e hetimit të krimit në drejtorinë e Kufirit dhe Migracionit Edmond Çela.
Ky i fundit rezulton të jetë pronari i shoqërisë Metro.
Zyra e Avokatisë në Kozan, Anathasia Vakonaki: “Klienti im nuk është i përfshirë në trafikun ndërkombëtar të lëndëve narkotike.
Heroinën mund ta kenë futur në autobus persona të tjerë dhe kjo i përket policisë shqiptare për ta zbuluar”.
Për Ilir Rustemin gjykata ka caktuar masën e sigurisë arrest me burg, ndërsa shoferi i dytë është lënë i lirë pas garancisë pasurore.
Hetimet për ngjarjen pritet të zgjatin 6 muaj, kur Rustemi do të dalë para gjykatës së Kozanit.
Ledjona Xheladinaj
11.02.2018
