Drejtoria e Tatimeve njofton se, në kuadër të Paketës së re Fiskale, me ligjin nr.106/2017, “Për disa ndryshime dhe shtesa në ligjin nr.9632, datë 30.10.2006 “Për sistemin e taksave vendore”, të ndryshuar, është përcaktuar kuptimi i termit “Pasuri të paluajtshme” si dhe “Kadastra Fiskale” (neni 3 e ligjit).
Për të është parashikuar krijimi i një institucioni të ri buxhetor, Drejtoria e Përgjithshme e Taksës së Pasurisë.
Ky institucion do të jetë në varësi të ministrit përgjegjës për financat.
Drejtoria e Tatimeve krijon institucionin ku mund të ankoheni për taksat
Në këtë ligj përcaktohet se, taksapaguesit në nivel vendor, ankimojnë kundër vendimit apo veprimit të zyrës së taksave në strukturën vendore të apelimit tatimor.
Madje, edhe kundër vendimit të kësaj strukture në gjykatë.
Gjithashtu, jepen kategoritë, shkalla e taksës, menyra e llogaritjes dhe detyrimi për pagesën e taksës mbi ndërtesat.
Si dhe kategoritë e përjashtimeve nga taksa mbi ndërtesat.
Po kështu në funksion të stimulimit të sektorit të turizmit, në ndryshimet të këtij ligji janë parashikuar edhe lehtësira në taksën e investimit për ndërtimin e strukturave akomuduese: “Hotel/Resort me 5 yje, status special”.
Ky ligj është botuar në Fletoren Zyrtare nr.222, datë 19.12.2017.
Ai hyn në fuqi në datën 01.04.2018.
Por, me përjashtim të dispozitës ligjore mbi lehtësirat në fushën e turizmit (neni 7), i cili hyn në fuqi në 01.01.2018.
25.12.2017
