Ambasadori ne largim Donald Lu thotë se ndihet i skandalizuar nga sistemi gjyqësor në Shqipëri dhe nga policia. Kjo për menyrën se si ata kanë vepruar me eksponenët gjyqësor dhe krimit në Shqipëri.
Gjatë rrëfimit të tij në emisionit “Real Story” në Vizion Plus ambasadori amerikan në Shqipëri, Donald Lu përmendi me emra rastet.
Drejt largimit nga Shqipëria, Lu i skandalizuar nga policia dhe gjyqësori
“Unë, për vete, jam i skandalizuar që dy vjet e gjysmë pasi qeveria greke nxori urdhër-arrestin, ende nuk e kemi kapur Klement Balilin. Jam i skandalizuar që Lul Berisha lirohet herët nga burgu. Gjithashtu që mund të ecë i lirë nëpër rrugët e Durrësit.
Dhe jam i skandalizuar që këtë javë që keni gjyqin e Shullazit, ku Shullazi vetë ka kërcënuar gjykatës dhe prokurorë, aq sa prokurorët as nuk shkojnë në gjyq. Si ka mundësi që ky vend të ecë përpara kur ndodhin këto gjëra? E di që Fatmir Xhafaj dhe Arta Marku dhe Ardi Veliu do të gjykohen mbi faktin nëse do të jenë të aftë t’i vënë këta kriminelë pas hekurave”, tha kryediplomati amerikan.
