Donald Lu ikën nga Shqipëria…shikoni ku e ‘degëdisin’…Donald Lu këtë verë do të largohet nga Shqipëria. Kjo për arsyen, se në mes të korrikut, Ambasadorit Amerikan, i mbaron mandati. Por ku do të shërbejë në vijim, Donald Lu?
Donald Lu ikën nga Shqipëria…shikoni ku e ‘degëdisin’…
Ambasadorit Amerikan në Tiranë, Donald Lu i mbaron mandati në korrik të këtij viti. Por pas bërjes publike të këtij lajmi, pak ditë më parë, filluan të dalin dhe hamendjet e para, se çfarë do të bëjë Donald Lu, pas mbylljes së misionit të tij në Shqipëri.
Në faqen e internetit të Shtëpisë së Bardhë sqarohet se të enjten, nga ‘Kapitoli’, iu dërgua Senatit lista me 7 caktime për prezantim e diplomatëve, por dhe një tërheqje në nivel diplomatësh. Në informacionin që shoqëronte këtë listë, shpjegohet se, njeriu që drejtoi misionin diplomatik të Shteteve të Bashkuara në Shqipëri do të jetë Ambasador i Jashtëzakonshëm dhe i Gjithëpushtetshëm i Amerikës, në Republikën e Kirgistanit.
Ndërsa Kirgizistani, është një shtet që ndodhet në pjesën qendrore të Azisë. Kirgizistani është një vend kontinental kufizohet në lindje me Kinën, në veri me Kazakistanin, në perëndim me Uzbekistanin, ndërsa në jug me Taxhkistanin. Me një fjalë…Lu po i afrohet vendit të ‘origjinës’ !!!
Për lajm-shqip:
Leonard Xhelili
25.05.2018
