Sali Berisha denoncoi se në Doganën e Durrësit po vidhen 5 milionë dollar.
Në mesazhin e një doganieri anonym që i shkruan Berishës, theksohet se me këtë veprimtari kriminale merret direkt drejtoresha e kësaj dogane, drejtori i anti-kontrabandës dhe drejtori i hetimit.
Bëhet fjalë për 5 kontenierë që erdhën para tre muajsh në portin e Durrësit, me cigare pa pullë fiskale. Sipas denoncuesit, policia i ka mbyllur sytë me kohë lidhur me këtë situatë.
STATUSI I SALI BERISHËS:
Ja si po i vjedhin zyrtarët 5 milionë dollarë në doganën e Durrësit!
Lexoni mesazhin i doganierit dixhital!
“Mirëdita Dr. jam doganier në Durrës
Prej mëse 3 muajsh në portin në Durrës kanë ardhur 5 kontenierë me cigare pa pullë fiskale.
Këto erdhën në periudhën e zgjedhjeve me porosi të burrit të Drejtoreshës, Bedis dhe Androkliut.
Për t’i kaluar do t’i kalonte klani i tyre në dogana Drejtori i Antikontrabandës z.Prifti me atë të Hetimit z.Brahja në pikën e kontenierëve ku është përgjegjës turni miku i tyre z. Beshiku.
Por meqë ranë në sy, i kaluan në magazinë doganore dhe këto dy ditë po përpiqen me të gjitha mënyrat, por askujt nga ne nuk ja mban të firmosë sepse bëhet fjalë për 5 milion USD evazion fiskal.
Kuptohet që edhe policia i ka mbyllur sytë me kohë. Paskan dy ditë se i mbaron afati dhe nuk dinë nga t’i çojnë.”
Burimi: Lapsi.al
