Edhe pse në telenovelat ku ka marrë pjesë, historitë e saj të dashurisë kanë patur gjithmonë fund të lumtur, në jetën e përditshme gjërat jo gjithmonë kanë vajtur mirë për Tuba Büyüküstün.
‘Do vdisja për ty’, i dashuri surprizon Tubën me rastin e 36-vjetorit
Aktorja simpatike që ka fituar zemrat e mijëra teleshikuesve, mes syresh edhe atyre shqiptarë, me rolet e Elifit në ‘’Diamantë dhe dashuri” dhe Syhanit në ‘’Xhesuri dhe e bukura” është përfolur vazhdimisht për jetën e saj private dhe lidhjet e paqendrueshme me emra të njohur të kinematografisë turke.
Qershorin e shkuar ajo i dha fund martesës 6-vjeçare me aktorin Onur Saylak dhe sipas shtypit turk, shkak për këtë ishte dashuria në horizonte me biznesmenin më të ri në moshë Umut Egirven.
Por, ajo që lindi si një shkëndijë gjatë një mbrëmje bamirësie është shndërruar në historinë më të rëndësishme për aktoren.
Tashmë çifti i të dashuruarve nuk u fshihen më paparazzëve dhe shijojnë të qetë dashurinë e tyre. Dy ditë më parë Tuba festoi ditëlindjen e saj të 36-të dhe poezia e ndjerë që ndau në Instagram tregon edhe një herë që dashuria e tyre është shumë e madhe.
“Ti nuk je një njeriu më i thjeshtë që kam njohur ndonjëherë, por është e vështirë për ne t’i tregojmë ndjenjat.
Disa thonë se duhet të të lija të ikje, sepse ti më bën të qaj,
Por nëse është dikush, një njeri i vetëm që do ta linte jetën e vet e do të vdiste për ty
Vështirë ta them, Urrej ta them, por me siguri, do të isha unë…
Kur bota çmendet e humbet kuptimin
Është vetëm një zë që vjen për të të mbrojtur, një njeri i vetëm që kërkojnë sytë në dhomë dhe vetëm një imazh që do të shohësh.
Nëse është dikush, një njeri i vetëm,
që do ta linte jetën e vet e do të vdiste për ty
Vështirë ta them,
Urrej ta them, por me siguri, do të isha unë…”
