‘Dita e Verës’ ka ardhur shpejt në Elbasan edhe pse muaji i Shkurtit është pranë. Tejmbushen lulishtet dhe parqet si mimozat në lulëzim.
Tri ditët e fundit, Elbasani ngjason si festa pagane e “Ditës së Verës”. Parqet dhe lulishtet gumëzhijnë nga prania e njerëzve plot sharm e plastikë të qeshur.
Edhe vajzat kanë filluar të “zhvishen”!
Dita e verës’ vjen në Elbasan, ‘mimozat’ fillojnë çelin edhe në fillim të Shkurtit.
I gëzohen ditëve të ngrohta si mimozat e ditëve të para të shkurtit! Sidoqoftë, këto ditë plot diell e ngrohtësi, nuk ka si të mos ndikojnë edhe në botën shpirtërore të gjithësecilit.
Sikur e harruan të ftohtin bashkë me reshjet e shirave ditë më parë.
Elbasani me katër lulishte publike dhe dy parqe, duket sikur e ka të pamundur të “akomodojë” mijra banorë .
Të gjitha moshat i joshen natyrës pranverore të ardhur herët. Më së shumti fëmijët dhe rinia.
Kjo e fundit, si e papunë, gjen “punë” në lulishte. Edhe me kaushët e farëravë të pjekura në duar…
Ndërsa në kafentë rreth dy bulevardeve, zor se gjen vend.
Mjediset e tyre mbi trotuare, me lejen e Bashkisë, janë zbukuruar e plot frekuentues. Madje dhe natën.
Frekuentuesit e bareve, kalojnë orë të tëra me imazhin e ngrohtë të një dite janari. Eshtë hera e parë, në shumë vite, që moti është tepër i ngrohtë në këtë qytet.
Qytetarët janë të vetëdijshëm, që është mesi i dimrit. Por, joshja nga ditët plot diell e ngrohtësi, kanë bërë që të harrojnë stinën e ftohtë.
Madje edhe nëpër shtëpi, nuk shikon tym oxhaqesh apo ngrohëset janë mënjanuar në një cep të kuzhinës.
Sidoqoftë, këto ditë vere në Elbasan, sikur gënjejnë veten.
Sikurse ndodh edhe me mimozat e shkurtit. Çelin në ditët e para dhe fishken e thahen ne mesin e këtij muaji.
Si për çdo gjë, edhe për këtë përjetim, “dardha e ke bishtin prapa”…
Për lajm-shqip
Alfrida Danushi
