Një ish-mundës profesionist i WWE u rrah në mënyrë mizore prej 6 personave jashtë shtëpisë së tij. Shkak i këtij incidenti u bë një hapësirë parkimi. Tom Magee, dikur yll i WWE, u la me nofull të thyer, çarje të thellë në sy dhe një tronditje të madhe prej sulmit.
Incidenti i dhunshëm ka ndodhur të martën jashtë shtëpisë së tij në Mar Vista në Los Angeles. Fotot tregojnë 59-vjeçarin e masakruar nga banda e të rinjve.
Dikur godiste të tjerët, tashmë ish-ylli i WWE u rrah nga 6 të rinj…
Konflikti nisi mbi faktin se kush do të parkonte makinën në një hapësirë parkimi.
Kur fqinjët dolën jashtë pasi dëgjuan sherrin, agresorët u larguan.
Magee u gjet pa ndjenja dhe u dërgua në spital për të mjekuar plagët. Më pas ish-mundësi u dërgua në shtëpi.
“Për mua ishte vrasje në tentativë. Nëse nuk do të kishim dalë ne, nuk e di nëse ai do të ishte gjallë. Nëse e keni parë fytyrën e tij e keni kuptuar se me të vërtetë është me fat që është gjallë,”-tha një fiqnj.
Për lajm-shqip:
Klajdi Thaçi
21.05.2018
