Digjet shtëpia, familjarët mbesin me rrobat e trupit….
Në pak minuta, është bërë shkrumb e hi një shtëpi në nënprefekturën e Gramshit. Ngjarja ka ndodhur në fshatin Bulçar, rreth 20 kilometra larg qytetit.
Sipas burimeve nga vendi i ngjarjes, zjarri ka rënë sot rreth orës 17:00. Banesa në pronësi të Ferdinant Bujkut është përfshirë nga flakët. Fillimisht flaka ka shpërthyer nga çatia e shtëpisë dhe më pas në pjesët e poshtëme të saj. Për disa minuta flakët kanë përfshirë tërë shtëpinë.
Katër pjestarët janë përjekur ta fikin me mjete rrethanore. Në ndihmë kanë ardhur dhe fqinjët, por përpjekjet e të dy palëve kanë qenë të kota. Ndërkohë, është lajmëruar dhe reparti i zjarrfikësve.
Fatmirësisht nuk ka patur dëme në jetë njerzore. Kjo, pasi zjarri nuk ka rënë natën. Por nga shtëpia e pajisjet brenda saj, ka mbetur vetëm hiri.
Ndërhyrjet e zjarrfikësve nuk kanë qenë me efekt, pasi zjarri ka vepruar me shpejtësi. Katër e pjestarët e kësaj familjeje kanë mbetur në qiell të hapur.
Si shkak i djegies është bërë marrja flakë e një përcjellësi elektrik mbi tavan.
Alfrida.Danushi
02.03.2019
