Aktori Leonardo DiCaprio do të nderohet me një çmim për kontributin e dhënë në kinema gjatë festivalit të ardhshëm në Santa Barbara në Kaliforni.
Ylli i filmit “Titanic” do të marrë pjesë në një ceremoni speciale më 1 shkurt për të marr çmimin e famshëm “American Riviera Award”, me të cilën shpërblehen të gjitha aktorët më me ndikim të Hollywoodit.
Në një komunikatë nga Drejtori Ekzekutiv i festivalit thuhet se është nder që të shpërblejnë Leonardo Dicaprion me çmimin American Riviera Award.
“Në vitin në të cilin ai na tregoi anën tjetër të talentit të tij, performanca e tij në “Django Unchained” rikonfirmon se ai është njëri nga aktorët më me ndikim të gjeneratës së tij”, thuhet në deklaratën e Roger Durling, drejtor ekzekutiv i këtij festivali.
DiCaprio do të ndjekë hapat e Sandra Bullock, Annette Benning, Tommy Lee Jones, Fores Whitaker, Philip Seymour Hoffman, Kevin Bacon dhe Mickey Rourke të cilët janë nderuar me këtë çmim më parë.
Festivali do të fillojë më 24 janar dhe do të mbarojë më 3 shkurt.
06.01.2013
Burimi: Gazeta Shqip
