Në Dibër, duket se po kthehet, viti I tmerrshëm…2011. Ulja e temperaturave, ka bërë që Dibra, të vihet nën ‘terrorin’ e dëborës. Por dhe Dibranët, janë bërë si eskimezët..!
Dibra, nën ‘terrorin’ e dëborës. Dibranët, janë bërë si eskimezët..!
Kjo rënie drastike e temperaturave, ka sjellë problemet e para për shkak edhe reshjeve të borës. Situata më problematike shfaqet në qarkun e Dibrës. Mësohet se në njësitë administrative, Lurë, Kalaja e Dodës, Selishtë, Trebishtë dhe Ostren janë të bllokuara.
Trashësia e borës në këto njësi administrative ka arritur deri në 35 cm. Rruga nacionale Kukës- Peshkopi kalohet me vështirësi, e bllokuar është dhe ura e Sheranecit.
Probleme janë shfaqur dhe në Bulqizë, e cila njihet si një ndër zonat më të ftohta të qarkut Dibër. Nga fotoja e mëposhtme, duket se qyteti ”është zgjuar” këtë mëngjes i mbuluar nga dëbora, si dhe me prani të madhe ngricash në rrugë, duke u kthyer në problem për qarkullimin e mjeteve.
Gjithsesi, deri tani nuk ka patur anomali edhe në furnizimin me energji elektrike dhe dru zjarri për ngrohje.
Gjithashtu, nuk ka vështirësi për furnizime ushqimore për njerëzit dhe blektorinë. Pasi banorët e kësaj zone, i kanë marrë masat dimërore që në vjeshtë.
Por situata është rënduar dhe në zonën e Gollobordës , sidomos në Stëblevë. Rreth 30 kilometra larg qytetit të Librazhdit.
Shërbimet në infrasktrukturën rrugore kanë qenë të papërgatitura.
Në rrugë nuk kanë mundur të depozitojnë kripë e qymyrguri, që ndihmon në shkrirjen e shpejtë të dëborës.
Një pjesë e makinave, kanë mbetur në qendrën e Stëblevës, në Fushë-Studnë.
Megjithatë, Sektorët e Emergjencave Civile në të dy qarqet, ende nuk ka një informacion zyrtar për situatën.
Për lajm-shqip:
Leonard Xhelili
