Dhunë masive ndaj grave e vajzave në Durrës dhe Elbasan
Dhunë masive ndaj grave e vajzave
Edhe qyteti bregdetar i Durrësit nuk i shpëton homolgëve të tij për i përket dhunës ndaj femrës.
Kështu, vetëm gjatë gjashtëmujorit të parë të këtij viti janë evidentuar 202 kërkesë – padi për lëshimin e urdhërit të mbrojtjes dhe 66 raste për veprën penale, “Dhunë në familje”.
Ndërkohë janë arrestuar në flagrancë 29 autorë.
Ekspertët pohojnë se këto janë vetëm rastet ekstreme, kur dhuna shpërthen në fazën e fundit.
Kjo është vetëm maja e ajsbergut e një dhune masive ndaj grave e vajzave në familje dhe shoqëri.
Por, moria e rasteve të denoncuar nuk përfundojnë deri në dënimin e dhunuesve.
Shkaqet e këtyre divorceve, ndonëse mund të jenë disa, kryesohen nga dhuna në familje.
Në të njëjtën kohë, që të parat, që e ndërmarrin këtë hap, janë gratë, pasi kuptojnë që nuk ka asnjë alternativë tjetër.
Ndërkohë që fushata sensibilizuese e 16 ditëve kundër dhunës me barazi gjinore sapo përfundoi, vihet re një rritje e numrit te divorceve, që kanë si shkak kryesor, dhunën në familje.
Situata në Elbasan
Edhe në qytetin e Elbasanit, ka përfunduar me dhimbje fushata 16 ditore e dhunës ndaj gruas.
Një analizë e tillë është bërë në pushtetin lokal , ku kanë marrë pjesë edhe shoqata, që luftojnë për të drejtën gjinore.
Të paktën në të njëjtën periudhë si në Durrës, në Elbasan, numërohen 76 raste të dhunës ndaj grave dhe vajzave.
Kjo shifër është shumë herë më e lartë, përderisa një pjesë e të dhunuarave, nuk e bëjnë publike këtë dukuri.
Të paktën 13 prej autorëve vuajnë sot dënimin për këtë vepër penale.
Në këtë qytet, falë bashkëpunimit të të gjithë aktorëve, është arritur që të merren një sërë masash për të lehtësuar ato gra që kanë marrë urdhër mbrojtjeje.
Këtë të fundit e kanë marrë mbi 34 e një pjesë e tyre trajtohen në qendra sociale.
Për rastet në fjalë, janë marrë edhe masa emergjente strehimi.
Po ashtu, edhe paketa ushqimore për nevoja jetike, falas nga pushteti vendor.
Vetëm gjatë këtij viti, në vendin tonë, gjykatat trajtuan 2100 çështje penale, nga të cilat mbi 1/3 janë për dhunë ndaj grave.
Një dukuri e tillë, ku shfaqet dhuna ndaj “seksit të dobët” tregon dhe një herë nivelin e shoqërisë e aq më tepër brutalitetin mashkullor.
Për Lajm Shqip
Silvi Feimi
Alfrida Danushi
