Devoll, hajdutët zhgënjehen, ja çfarë vodhën në banesë.
Hajdutët zhgënjehen nga ajo çfarë vodhën në banesë në fshatin Bitinckë në Devoll. Policia vë në pranga dy personat e dyshuar si autorë të vjedhjes.
Vjedhjet vijojnë të mbeten fenomeni më shqetësues në juglindje. Çdo ditë raportohen raste të tilla. Policia ka vënë në pranga dy persona. Dy të arrestuarit dyshohen autorë të vjedhjes në fshatin Bitinckë të Devollit. Burime zyrtare thonë se në pranga kanë rënë Gjergji Spaho, 25 vjeç, dhe Vangjel Fezo, 19 vjeç. Të dy shtetasit e arrestuar rezultojnë të dënuar më parë për vjedhje. Të arrestuarit në bashkëpunim me njëri-tjetrin kanë vjedhur një banesë në fshatin Bitinckë. Pas veprimeve nga grupi hetimor dyshohet se të arrestuarit dyshohen autorë të dy vjedhjeve të ndodhura në Bitinckë-Devoll. Hajdutët kanë vjedhur në banesën e shtetasit Y.M. dhe në banesën e shtetasit V.A. dy televizorë plazma si edhe orendi shtëpiake. Policia e Korçës vijon punën për kapjen e hajdutëve.
Për Lajm-Shqip
Ledjona Xheladinaj
