Ja se kush është biznesmeni i vrarë në qendër të Tiranës, Memli Begalla, 64-vjeç, është eliminuar në mes natës.
Burimet nga policia thanë se ngjarja ka ndodhur rreth orës 21:00 të së mërkurës, në rrugën “Nikolla Tupe” në sheshin mes pallateve në qendër të ish-Bllokut.
Mësohet se 64-vjeçari ishte një biznesmen i njohur.
Burimet thanë se viktima është ndjekur nga disa persona që lëviznin me një automjet tip BMW të zezë me xhama të errët.
Biznesmeni i vrarë në qëndër të Tiranës e ka kuptuar që po ndiqej dhe ka tentuar të futet në një parkim.
Ai është arritur pranë një tuneli nga autorët të cilët kanë qëlluar disa herë mbi të me një armë me silenciator.
Të njëjta burime thanë se Begalla banonte në atë zonë. Në vendin e ngjarjes ndodhen forca të shumta policie. Janë shoqëruar në polici disa persona që kanë dijeni mbi krimin.
www.lajm-shqip.com
