Kanë dalë detaje të reja, nga ngjarja në ‘Don Bosko’: Daja kërcënon nipin me pistoletë. Ngjarja ka ndodhur mbrëmë në një lokal në zonën e “Don Boskos” në kryeqytet. Kur daja ka qëlluar në ajër me pistoletë për të kërcënuar nipin e tij.
Detaje nga ngjarja në ‘Don Bosko’: Daja kërcënon nipin me pistoletë
Të shtënat me armë kanë ardhur si pasojë e një zënke të nisur mes Bledi Zanit 34 vjeç dhe nipit të tij Julian Koliqi. Nipi i Zanit, ka shkuar në lokal dhe ka nisur të qortojë dajën që pinte alkool.
Ndërsa i riu i ka kërkuar të çohet nga lokali, mes të dyve ka nisur një sherr verbal. Në sherr e sipër, daja ka nxjerr pistoletën dhe ka kërcënuar nipin, duke qëlluar në ajër. Ja njoftimi i policisë për këtë ngjarje:
Më datë 08.05.2018, rreth orës 21:20, në rrugën “Don Bosko” pas një konflikti ndërmjet shtetasve B., Z., dhe J. K., shtetasi B. Z., ka gjuajtur një herë në ajër me armë zjarri dhe më pas të dy shtetasit janë larguar. Në vendngjarje grupi hetimor ka sekuestruar një gëzhojë pistolete.
Gjithsesi, Policia ka sekuestruar një gëzhojë model 54 në vendngjarje. Menjëherë pas identifikimit, Policia ka shkuar në banesën e Zanit, por nuk e ka gjetur aty. Ndërsa 34-vjeçari është shpallur në kërkim që prej mbrëmjes së djeshme. Ndërkohë që po punojnë për të rënë në gjurmët e tij.
Për Lajm-shqip
Leonard Xhelili
