Një 33 vjeçar nga Colorado i quajtur Chris Watts kishte denoncuar zhdukjen e gruas së tij dhe të bijave në televizion, por më pas ka rezultuar se ka qenë ai vetë vrasësi.
Watts ka pranuar se ka vrarë gruan e tij shtatzënë Shanann Watts 34 vjeç, si dhe vajzat e mitura, Bella dhe Celeste, 3 dhe 4 vjeç.
Ja si ishte shprehur fillimisht për to në median vendase:
“Është një makth, nuk arrij dot të jetoj pa to”.
Tashmë ai është arrestuar nga policia.
Denoncon në TV vrasjen e gruas dhe fëmijëve, autori ishte…
Lajmin për autorësinë e krimit të bashkëshortit të viktimës dhe vajzave të tyre e ka dhënë një i afërm i saj. Ja si u shpreh ai:
“Me dhimbje të thellë, konfuzion dhe zemërim më duhet t’ju jap lajmin se kushërira jonë e bukur, fëmija që mbante në bark dhe vajzat e saj të mrekullueshme, Bella dhe Celeste, u vranë nga bashkëshorti i saj Chris Watts, i cili më në fund ka rrëfyer vrasjen”.
E përditshmja “Denver 7” ka treguar se është gjetur vendi i varrosjes së viktimave. Sipas kësaj të përditshmeje në familje kishin nisur disa debate për shkak të disa problemeve ekonomike që kishin patur së fundmi.
Chris denoncoi zhdukjen e familjarëve të tij fillimisht duke u shprehur për median:
“Fëmijët e mi janë jeta ime, buzëqeshjet e tyre ndriçonin ditët e mia. E gjitha kjo është një makth dhe nuk arrij dot të jetoj pa to”.
Ndërsa disa orë më vonë u vërtetua se vrasësi ishte pikërisht ai.
Për lajm-shqip:
Klajdi Thaçi
16.08.2018
