Demokratët e Librazhdit kërkojnë arrestime për dëmtuesit e pronës.
Bujar Vreto, në cilësinë e kryetarit të degës, kërkon arrestime për çdo dëmtues të pronës publike. Një kërkesë në dukje paradoksale e kreut të degës së PD -së së Librazhdit.
“Le të shkojnë përpara drejtësisë edhe dëmtuesit e stolave nëpër parqe të qytetit”- ka bërë thirrje Vreto. Por, ky i fundit apelon që organet kompetente, të bëjnë hetime dhe të gjejnë autorët. Nënteksti i tij mbetet së pari për policinë bashkiake, që përgjigjet drejtpërdrejtë për teritorin e saj. Vreto bën apel direkt për arrestimin e personave që shaktërrojnë pronat publike.
“Partia Demokratike Librazhd dënon çdo akt barbar me pronën publike dhe i bëjmë thirrje organeve ligjzbatuese, të gjejnë autorët dhe të dërgohen përpara drejtësisë sa më parë” – ka pohuar kryedemokrati i Librazhdit. Por, ai lë edhe një klauzolë për një tjetër hapësirë hetimi. Sipas tij, këto akte nuk janë gjithmonë të qëllimshme, por përdoruesit janë ndeshur me cilësinë e dobët.
“ Unë mendoj se kjo situatë është krijuar nga cilësia e dobët si në të gjitha investimet e tjera. Si shpjegohet, që pa mbushur vitin, janë shkatërruar jo pak nga investimet e bëra? – pyet kreu demokrat. Thirrja e tij mbetet një akuzë edhe për Bashkinë e këtij qyteti. Është kjo e fundit, që duhet të vë përpara përgjegjësisë drejtuesit e firmave private për punë me cilësi të dobët.
Për lajm-shqip:
Alfrida Danushi
