Lumi Vjosa është tërhequr mëngjesin e sotëm, ndërkohë që po dalin në pah dhe dëmet e para të përmbytjes.
Përvec përmbytjes së banesave dhe tokave është dëmtuar edhe argjinatura e trenit në një gjatësi prej 70 metrash.
Shtabi i emergjencës ka vëzhguar nga afër bregun e Vjosës pranë lagjes “Lopa” në fshatin Mifol. Prefekti Flamur Mamaj dhe kryetari i bashkisë Dritan Leli janë shprehur se do të kryhet sa më shpejt një ndërhyrje emergjente pranë kësaj argjinature me pastrimin dhe fortësimin e saj.
Sipas Lelit, uji është tërhequr ndjeshëm ndërkohë që ka nisur identifikimi dhe dhënia e ndihmës për familjet të cilat kanë mungësë në ushqime dhe ujë të pijshëm.
Për Lajm-Shqip
E.M
