Del ekspertiza për vrasësin e gjyqtares: “Fadil Kasemi, i aftë mendërisht”
Të ngjashme mund të lexoni:
• Fëmijët e gjyqtares së vrarë: Mamasë…
Del ekspertiza
“Fadil Kasemi është i aftë mendërisht.” Ky është konkluzioni i ekpertëve për burrin që vrau ish-bashkëshorten e tij, Fildes Kasemi më 31 gusht 2017 në Tiranë.
Rezultati i ekspertizës mjeko-ligjore për të arrestuarin i është dorëzuar sot Prokurorisë së Krimeve të Rënda dhe lejon vazhdimin e gjyqit ndaj tij.
Vrasja
Me datë 31.08.2017, rreth orës 13:50, në rrugën “Xhanfize Keko”, Tiranë, shtetasi Fadil Kasemi ka qëlluar me armë në drejtim të shtetases Fildeze Hafizi.
Kjo e fundit ka mbetur e vdekur në vend.
Më pas, shtetasi Fadil Kasemi është larguar nga vendi i ngjarjes me një automjet.
Gjatë udhëtimit shtetasi K.T.ka përshkuar rrugën që të dërgonte pranë Komisariatit të Policisë nr.1 Tiranë.
Në kohën që i është afruar Komisariatit shtetasi K.T. e ka futur menjëhërë automjetin e tij brenda në ambjentet e Komisariatit të Policisë.
Në këtë moment janë afruar menjëhërë punonjësit e policisë, të cilët kanë ndërhyrë.
Duke bërë kapjen në flagrancë të shtetasit Fadil Kasemi duke i hequr armën pistoletë që mbante në duar.
I pyetur për faktin e ngjarjes, Fadil Kasemi, nuk ka pranuar të flasë për faktin dhe rrethanat e ngjarjes.
Masa e sigurimit
Ne keto kushte, nga ana e Prokurorisë për Krime të Rënda kërkohet:
Të caktohet ndaj shtetasit Fadil Kasemi masa e sigurimit “ arrest në burg”. Parashikuar nga neni 238 i K.Pr.Penale, i dyshuar për kryerjen e veprave penale “Vrasja për shkak të marrëdhënieve familjare” dhe “Prodhimi dhe mbajtja pa leje e armëve luftarake dhe e municionit”, “Rrëmbimi ose mbajtja peng e personit”, parashikuara nga nenet 79/c dhe 278/1 dhe 109/1 të Kodit Penal.
13.11.2017
Burimi: Syri.net
