Policia e Shtetit, mori një sërë masash shtesë me rastin e festës së ndërrimit të viteve. Ditën e sotme, ka dalë bilanci i incidenteve që kanë ndodhur gjatë natës së ndërrimit të viteve.
Si rezultat i hedhjes së fishekzjarreve, janë lënduar lehtë 17 persona. Ata kanë marrë mjekim dhe janë larguar në banesat e tyre. 1 shtetas nga Dibra është transportuar për në Tiranë për ndërhyrje më të specializuar pasi ishte dëmtuar në sy.
Është dëmtuar gjithashtu 1 automjet i parkuar. Si pasojë e përdorimit të fishekzjarreve. Në Laç shtetasi K.Gj, 16 vjeç, banues në Sanxhak, është gjetur i vdekur nga familjarët në taracën e banesës së tij me një dëmtim në koke. Trupi i viktimës është dërguar në Tiranë për një ekspertizë mjeko-ligjore më të specializuar. Për të përcaktuar nga se i është shkaktuar dëmtimi që ka humbur jetën.
Nuk ka patur ngjarje kriminale si grabitje me dhunë ose me armë, apo plagosje e vrasje. Dhe nuk është shënuar asnjë aksident me pasojë vdekjen apo me plagosje të rënda. Në të gjithë vendin janë evidentuar 4 aksidente me pasoja të lehta.
Policia Rrugore në të gjithë vendin ka vijuar gjatë gjithë orëve të para të mëngjesit kontrollin për parandalimin e drejtimit të automjetit nën efektin e akoolit apo në gjendje të dehur. Për shpejtësinë tej normave të lejuara si dhe për përdorimin e celularit gjatë drejtimit të automjetit. Por edhe për shkelje të tjera që janë burim aksidenti.
Në të gjithë vendin janë pezulluar 32 Leje Drejtimi.
Nga to 14 patenta vetëm në Tiranë. Policia Rrugore e Tiranës, gjatë orëve të para të mëngjesit ka arrestuar 1 drejtues mjeti për drejtim mjeti në gjendje të dehur.
01.01.2018
