Dalin detaje të reja, si u kap gomonia me 2.5 ton drogë, në Otranto…! Gjatë këtij operacioni u sekuestruan 2.5 ton drogë, me vlerë 20 mln euro. Njëkohësisht, zbulohen pamjet, se si u kap gomonia me 2.5 ton kanabis.
Dalin detaje të reja, si u kap gomonia me 2.5 ton drogë, në Otranto…!
Policia italiane ka zbardhur sot detajet e operacionit të zhvilluar më datë 30 prill. Operacioni u drejtua nga policia financiare e Romës në bashkëpunim me atë të Puglias dhe u ekzekutua nga roja bregdeatre e Tarantos dhe e Barit. Nga ky operacion u sekuestrua një gomone me 2.5 ton marijuanë e trafikuar nga Shqipëria dhe u vunë në pranga 4 skafistë shqiptarë.
Ndjekja ka ndodhur në bregun në afërsi të Salentos. Gomonia 10 metra e gjatë me dy motorë të fuqishëm ishte nisur Shqipëria. Gomonia me drogë u lokalizua në brigjet e Brindizit. Roja bregdetare italiane me ndihmën dhe të një helikopteri, u vunë në ndjekje të gomones. Pas disa minutash ndjekje, roja bregdetare italiane mundi të ndalojë mjetin lundrues. Skafistët sapo kuptuan se ishin pikasur nga policia italiane nisën të hidhnin në det lëndën narkotike.
Më pas gomonia është bllokuar nga policia. Ndërsa në pranga janë vënë edhe 4 shqiptarët me inicialet B. M., 40 vjeç; H. X., 30-vjeç, R. B., 30 vjeç dhe C. S., 37 vjeç. Ata janë nga Vlora dhe nga Kavaja. Ndaj 4 skafistëve rëndon akuza e trafikut ndërkombëtar të drogës .e mbajtje pa leje armësh luftarake.
Për Lajm-shqip
Leonard Xhelili
