Kanë dalë të tjera detaje lidhur me ngjarjen e rëndë të ndodhur sot në Tiranë. Një 23 vjeçar qëlloi me armë vajzën 21 vjeçe dhe më pas veten.
Sipas informacioneve të reja, Aldison Beluli 23 vjeç dhe 21 vjeçarja Ariela Murati, e cila humbi jetën për shkak të plagëve të marra, ishin nga fshati Zharrëz i Fierit.
Ata kishin mbaruar të dy studimet në gjimnazin ‘Sotir Kapo’.
Sipas burimeve, mësohet se familjarët e vajzës i kishin kërkuar më herët 23 vjeçarit që të mos e ngacmonte më vajzën e tyre. Pasi ai ishte bërë i bezdisshëm. Por, i riu nuk kishte hequr kurrë dorë prej saj. Gjë e cila solli edhe tragjedinë e sotshme për familjen Murati.
21.01.2018