Edhe Redon Makashi ka reaguar pas festivalit. Këtë herë, ndryshe nga çdo vit, mendohej se çmimi i parë nuk ishte i paracaktuar. Në të vërtetë, sipas Makashit, nuk ka qenë kështu.
Të ngjashme mund të lexoni:
I ftuar pasditen e sotme në “Pasdite në Top Channel”, Redoni rrëfeu pse nuk doli i kënaqur nga festivali.
Siç tha ai, është shumë dakord me çmimin e parë. E çmon shumë Gentin si artist dhe i uron suksese, por çmimi i parë dihej më parë:
Çmimi dihej më parë, kjo ishte diçka që më preu.
Madje unë e mora në telefon edhe Kozetën dhe e pyeta për këtë. Ajo tha “jo”. Nuk ishte problem që mbeta i zhgënjyer. Por kjo ishte ajo që më preu fuqitë,– tha Redoni. Duke theksuar se, për asnjë moment nuk është xheloz për çmimin.
Ashtu siç është komentuar nëpër portale. Përkundrazi e vlerëson Gentin dhe këngën e tij, por, pasi e kishte mësuar se çmimi ishte vendosur, mori vendim të hynte në garë për qejf. Sikur po këndonte në një koncert:
“Juria, për mendimin tim, bëri vlerësimin e duhur. Unë e vlerësoj, nuk kam asnjë zhgënjim, bëri vlerësimin e duhur.”
27.12.2017
