Nëse jeni ngritur me humor të keq, mjafton që të vini kufjet e të dëgjoni muzikë. Na ka ndodhur shumë herë që të dëgjojmë një këngë në radion e makinës e menjëherë jemi mbushur me energji. Në fund të fundit na duhet të pranojmë se muzika ka një influencë të fortë në mendjen tonë.
Shpesh na ndodh që kur dëgjojmë një këngë të gjejmë një pjesë të jetës sonë në vargjet e saj. Ose kujtime të cilat i kishim harruar e tashmë na duket sikur i përjetojmë sërish.
Sipas një studimi rezulton se mëngjesi është periudha më e mirë për të dëgjuar muzikë. Si dhe për të gjetur kështu entuziazmin dhe pasionin. Pikërisht ajo që na duhet për të përballuar ditën me dozën e duhur të energjisë.
Studimi tregon se lidhja midis muzikës dhe humorit të mirë është e vërtetuar.
Një grup studiuesish në universitetin e North Carolina, SHBA, ka përfshirë një grup vullnetarësh. Ata i janë nënshtruar rezonancës magnetike gjatë dëgjimit të pjesëve të ndryshme muzikore. Rezultati? Dëgjimi i këngës së preferuar gjeneron një përgjigje pozitive të trurit. Kështu që muzika dhe kërcimi janë një terapi e vërtetë për kthimin e humorit të mirë.
30.01.2018
