Pas shtyrjes për çeljen e negociatave të anëtarësimit të Shqipërisë dhe Maqedonisë me BE-në, Komisioneri për Zgjerim në BE Johanes Hahn do të nisë ditën e sotme takimet me zyrtarët e Shqipërisë dhe Shkupit.
Shqipëria dhe Maqedonia do të nisin që nga dita e sotme të ashtquajturin procesin ‘screening’ që përbën një fazë përgatitore mbi hapjen e negociatave. Lajmin e bëri të ditur vetë Komisioneri i Zgjerimit, Johannes Hahn, i cili gjatë ditës së sotme do të vizitojë Tiranën, e më pas Shkupin për të lancuar aktivitetin ekzaminues të BE-së.
Çfarë pritet të ndodhë sot? Komisioneri Hahn vjen në Tiranë …
Eurokomisioneri shtoi se kjo do të jetë një provë për të treguar se sa të vendosura janë dy vendet për të çelur bisedimet.
Johannes Hahn: Ministri e tha në fjalën hapëse se do të donte të shihte një qëndrim më të qartë nga Këshilli Europian mbi hapjen e negociatave. Por ajo që dua të them unë se gjuha që ne kemi përdorur është e njëjtë me procedurat që ne duhet të ndjekim. Ne mund t’i hapnim negociatat nesër, por na duhet të përgatitemi.
Dhe kjo është detyra jonë për vitin që vjen. Ne duhet të kemi një proces ekzaminimi gjithëpërfshirës dhe unë do të jem në Tiranë dhe në Shkup gjatë javës së ardhshme për të lancuar nisjen e këtij procesi. Kjo është një provë mjaft e rëndësishme. Do të tregojë se sa të vendosura janë këto dy vende në fjalë kundrejt antarësimit.
Do të varet nga ky proces nëse ne do të shkojmë në fazën tjetër në mes të vitit të ardhshëm. Sa më shumë të bëhet në këtë proces, aq më shumë do jetë bërë për negociatat.
Në këtë tur ballkanik, Hahn do të sqarojë hapat që duhen ndërmarrë për procesin scrining për Shqipërinë dhe Maqedoninë. E gjitha do të shërbejë si një sfidë përgatitore për hapjen e negociatave në qershor 2019.
Çfarë pritet të ndodhë sot? Komisioneri Hahn vjen në Tiranë …
Në Tiranë eurokomisioneri Hahn do të takohet me Presidentin Meta, me kryeministrin Rama si dhe me përfaqësues të tjerë të qeverisë. Në deklaratën e dhënë për mediat, nuk ka parashikuar takime me përfaqësues të opozitës.
Të gjithë i kanë sytë dhe shpresat tek vizitat e Komisionerit, sa herë që ai paralajmëron se do vijë në Tiranë. Kjo vizitë, ashtu si edhe vizitat e tjera të tij, mbart një rëndësi edhe më të madhe. Përpjekjet e këtij viti duhet të jenë edhe më të mëdha, për të marrë një “po” për hapjen e negociatave.
Të gjithë me sytë nga Hahn, e Hahn me sytë nga ne, do shohim sesa para do ecim këtë vit me përpjekjet. Puna më e madhe do të jetë e politikës shqiptare, por ne duhet të jemi të përgatitur emocionalisht për çfarëdolloj përgjigjeje që do marrim në finale.
Për Lajm-shqip
Jorida Fataj
