Cëriku zëvendëson eksportin e bitumit me domate. Qyteti i vogël i Cërrikut, dikur eksportonte bitum për gjithë Europën. Ish-Rafineria e Naftës veç produkteve të benzinës, pricipitonte edhe bitum të cilësisë së lartë.
Cëriku zëvendëson eksportin e bitumit me domate.
Ndërsa Rafineria pushoi së funksionuari, sasia e mbetur e bitumit u vodh e u shit si mall pa zot. Nga ky qytet i vogël, sot ka prioritet një eksport i ri. Bëhet fjalë për eksportin në masë të domateve të serave dhe atyre të fushës. Burime zyrtare nga kjo Bashki bëjnë me dije se 13 milion lekë të ardhura përfitohen çdo ditë nga fermerët e Bashkisë Cërrik. Për këtë qëllim janë ngritur edhe pika grumbullimi, ku fermerët shesin direkt prodhimin e tyre. Ka nisur puna dhe vijon me ritme të larta në pikën më të madhe grumbulluese. Ajo ndodhet në qendër të fushës së Sulovës, në Klos të kësaj bashkie. Kryetari i Bashkisë, Altin Toska, konfirmon se çdo ditë shiten nga fermerët, pranë kësaj qendre grumbullimi, më shumë se 30 mijë kilogram domate. Kjo Bashki, me drejtim bujqësoro-blektoral, ka gjetur hapsira të rritjes të të ardhurave në sektorin e fruta-perimeve.
Për Lajm-Shqip
Alfrida Danushi
