Një grup turistësh çekë nisën një tur 4-ditor ngjitjesh alpinistike dhe eksplorimi në malet dhe Kanionet e Kurveleshit. Çekët çelin kështu sezonin e ri turistik.
Çekët nisin një tur eksplorimi dhe nisin sezonin turistik në Kanionet e Kurveleshit.
Duke qënë grupi i parë për këtë sezon, grupi u prit edhe nga kryetari i bashkisë së Tepelenës, Termet Peçi. Alpinistët çekë i thanë kryebashkiakut se, inspirimi i tyre për të kapur Kurveleshin ishin informacinet e marra nëpërmjet portaleve.
Sipas tyre, është i nevojshm një promocion më i plotë dhe cilësor për të prezantuar pejsazhin e papërsëritshëm të Kurveleshit. Kohët e fundit AKB-ja dhe organizatat jofitimprurese si Shoqata Argonaut është bërë një hap para me promovimin e këtyre vlerave. Eksperti i turizmit pranë Shoqatës Argonaut, Klajd Kruja thotë se vërtet është bërë pak për natyrën, traditat dhe historinë e Tepelenës.
“Tepelena dhe veçanërisht, Kurveleshi ofrojnë një mrekulli si në pesazh, histori dhe ushqime tradicionale. Bukuritë e malësisë dhe Kanioneve të Kurveleshit tani kanë hyrë në guidën turistike europiane. Por gjithsesi promocioni është i pamjaftueshëm”, tha për Lajm-Shqip Klajd Kruja. Grupi i alpinistëve çekë të shoqëruar nga udhërrëfyes lokalë udhëtuan drejtë Kurveleshit. Gjatë këtyre 4 ditëve ata do të kënë mundësinë të shijojnë pejsazhin me dëborë dhe mikpritjen tradicionale labe.
Gjatë qëndrimit në Kurvelesh ata parashikojnë ngjitje në Këndrevicën e mbuluar nga bora dhe zbritjen në Kanionet e Nivicë2s dhe Lekdushit. Turistët çekë do të akomodohen dhe ushqehen në shtëpitë e kurvelshasve. Kurveleshi i Labërisë është një krahinë e njohur për traditat e mikpritjes dhe bujarinë. Por ajo që ka penguar zhvillimin turistik të zonës është mungesa e infrastrukturës. Kurveleshi i Sipërm është krahina më e izoluar e vendit për shkak të mungesës së rrugëve automobilistike. Vizita e alpinistëve çekë është e para për sezoin e ri turistik të vitit 2018.
PërLajm-Shqip
Engjëll Serjani
