Jo çdo shtet ka të njëjtat ligje dhe ky fakt dihet nga të gjithë. Më poshtë po ju rendisim ligjet më të çuditshme në mbarë botën. Është e jashtëligjshme shitja ose dhënia e alkoolit një personi të dehur në Alaskë dhe është e jashtëligjshme të lejosh që një person i dehur të hyjë në një bar.
Në Francë është e jashtëligjshme të lëvizësh pa testuesin tënd të alkoolit, edhe nëse je turist. Megjithatë, që nga viti 2013, gjoba për thyerjen e ligjit ($14) është hequr.
Kulla Eifel është një nga monumentet më të fotografuara në botë, por pak e dinë se është e paligjshme që t’i bëjnë fotografi asaj gjatë natës.
Ndërkohë që e drejta e autorit të Kullës Eiffel skadoi në vitin 1993, dritat e natës u shtuan në vitin 1985, që do të thotë se ajo ende mbrohet nën ligjet e Francës për të drejtën e autorit.
Në vitin 2008, Japonia kaloi “Metabo Law” për të mbajtur peshat e qytetarëve të saj nën kontroll. Sipas ligjit, kompanitë dhe qeveritë locale duhet të matin çdo vit mesin e punëtorëve japonezë dhe qytetarëve që janë midis 40 dhe 74 vjeç.
Në Finlandë, gjobat e makinës llogariten në përpjesëtim me të ardhurat mujore të shkelësit. Në Greqi, policia mund të arrestojë një person nëse dyshon se ai ka virusin HIV. Për t’u siguruar, ka të drejtën ta dërgojë të dyshuarin të bëjë analizat.
Në Minesota, SHBA, është shkelje ligji nëse të brendshmet e femrave dhe meshkujve vendosen të thahen në të njëjtin tel. Në Singapor, çamçakëzi është tërësisht i paligjshëm. Ky rregull është në fuqi që nga viti 1992.
Në Filipine dhe Vatikan, divorci është i paligjshëm. Këto janë dy vendet e vetme në botë që nuk e njohin ndarjen e dy bashkëshortëve. Në Victoria, Australi, quhet shkelje ligji nëse ndërron një llambë pa qenë elektricist i licencuar.
Në Zion, Illinois, SHBA, është e paligjshme t’iu ofrosh cigare kafshëve shtëpiake. Në Mbretërinë e Bashkuar, një grua shtatzënë mund të kryejë nevojat personale ku të dojë, madje, nëse e kërkon, edhe në helmetën e një polici.
Çdo shtet ka ligje, por ja ligjet më të çuditshëm në botë
Në Japoni quhet shkelje e ligjit nëse je mbi peshë. Në Samoa quhet shkelje e ligjit nëse harron ditëlindjen e gruas. Në Bangladesh, nxënësit mbi 15 vjeç burgosen nëse kapen duke kopjuar në provim.
Në Kanada nuk mund të blesh një produkt duke paguar me monedha, sidomos nëse vlera e mallit është mbi 10 dollarë.
Kufiri i belit për burrat është 33.5 inç, ndërsa për femrat është 35.4 inç.
Në vitin 2014, Rusia, Bjellorusia dhe Kazakistani, ndaluan të brendshmet që përmbanin më pak se 6% pambuk. Ligji danez mbi emrat personalë, i ndalon prindërit të emërojnë fëmijët e tyre me diçka që nënkupton ofendim. Prindërit ose zgjedhin një emër nga një listë e miratuar ose kërkojnë miratimin e emrit nga qeveria.
Është e jashtëligjshme që njerëzit e pamartuar të kenë marrëdhënie seksuale në Massachusetts, Virxhinia, Gjeorgji, Idaho, Misisipi, Karolina e Veriut, Utah dhe Karolina e Jugut.
Murgjit kinezë që dëshirojnë të kthehen nga vdekja duhet të marrin miratimin e shtetit për rimishërimin e tyre. Ky aprovim pritet të jetë i nevojshëm në mënyrë që bashkimi kombëtar dhe solidariteti i grupeve të ndryshme etnike në vend të mund të ruhen, si dhe të zvogëlohen murgjit mashtrues dhe fitimprurës.
Është e jashtëligjshme shitja, importimi, reklamimi dhe përdorimi i karrocave per fëmijë në Kanada, ku ato konsiderohen të pasigurta.
Në Mbretërinë e Bashkuar, është e jashtëligjshme që një person të mbajë salmon nën “rrethana të dyshimta”.
Për lajm-shqip:
Jorida Fataj
27.05.2018
