Tashmë është 37 vjeç, por Iker Casillas nuk ka ndërmend të ndalet. Portieri spanjoll është aktualisht futbollisti me më shumë ndeshje në kompeticionet e UEFA-s, 178 të tilla. Ndërsa kërcënimi i vetëm vjen nga Cristiano Ronaldo, i cili ka luajtur 161 ndeshje në kupat e Europës.
Casillas vendos një rekord të ri në kompeticionet europiane
Gjithsesi, portugezi do të duhet të luajë edhe të paktën 4 sezone, për të kapur 19 sezonet aktuale të Casillas në Champions League, i cili vazhdon të luajë në nivele të larta dhe duke parë si po paraqitet Buffon, vështirë se tërhiqet.
Këtë javë Porto nis aventurën në Champions League, me sfidën kundër Schalke-s, dhe Casillas do të bëhet mbajtësi i një rekordi unik, sepse do të luajë për të 20-tin sezon në Champions. Deri tani Ryan Giggs ka marrë pjesë në 19 sezone, Paul Scholes në 17, ndërsa Xavi Hernández e Arjen Robben në 16 sezone.
