Lorik Cana është prezantuar sot si ambasador i Grassroot për Shqipërisë, një organizatë kjo e financuar nga UEFA që promovon fuqinë e futbollit te fëmijëve, për të edukuar, frymëzuar dhe mobilizuar të rinjtë në vendet në zhvillim
Në fjalën e tij, Cana tha se Grassroot është një mundësi shumë e mirë për të rinjtë, pasi do t’i nxisë ata të merren me sport.
“Nuk kemi pasur mundësi të arrijmë në maja më herët, ndërsa vitet e fundit kanë demonstruar se nëse bëhet një punë e madhe mund të jemi të suksesshëm. Ne jemi një vend në zhvillim e sipër dhe patjetër që edhe futbolli hyn në këtë pjesë. Ne jemi mundur që ta përfaqësuar vendin sa më mirë duke luajtur”, tha Cana. Grassroot është një mundësi shumë e mirë për të rinjtë, pasi do t’i nxisë ata. Ka shumë gjëra për të bërë në vendin tonë, e vlerësoj shumë FSHF për mbështetjen që i ka dhënë fondacionit Lorik Cana. Si Ambasador i Grassroot do të ndihmoj sa më shumë që t’i ndihmojmë fëmijët dhe t’i mbajmë me frymën e futbollit. Ne kemi qenë si udhërrëfyes për pjesën e futbollit dhe do ta vazhdoj ta bëjë sërish këtë gjë”, u shpreh Loriku.
Kapiteni i kombëtares shqiptare u shpreh se në vitet e ardhshme do të shikohen edhe frytet e këtij projekti.
“Kjo nuk do të jetë një detyrë e përditshme, por kërkon impenjim dhe projekte të vazhdueshme. Më pas, presim rezultatin pas shumë vitesh, ku numri i fëmijëve që do të merren me futboll do të rritet ndjeshëm dhe do të përfitojë e gjithë shoqëria jonë. Me padurim pres ta filloj këtë punë”, tha Cana në fjalën e tij.
Kreu i FSHF-së Armando Duka deklaroi se Cana ka qenë dhe do të jetë ende një shembull për të rinjtë.
26/10/2017
